Presidencialet në Rumani, sondazhet: Kandidati i Partisë Social-Demokrate udhëheq zgjedhjet 24/11 21:42
Përdhunuesi serial David Carrick, ish-oficer policie prej më shumë se 20 vitesh në Londër është burgosur sot me një minimum prej 30 vjetësh për dhjetra përdhunime e sulme seksuale ndaj viktimave që kërkonin mbrojtje te ai.
Gjykatësja Cheema-Grubb dënonte 48 vjeçarin Carrick, për abuzim ‘monstruoz me besimin e viktimave të tij” teksa shërbente me policinë e Londrës.
Të paktën pesë nga viktimat e tij ishin prezentë në gjyqin e Carrick, për të parë sesi ai u dënua me një minimum prej 30 vjet e 239 ditë burg, para se të merrej në konsideratë për liri me kusht.
Gjykatësja tha se Carrick sillej ‘sikur të ishte i paprekshëm’, dhe që kishte kryer që ‘kishin lënë shenjë në forcën e policisë’.
Dje një nga viktimat tha sesi ish-polici e kishte përdhunuar dhe i kishte vendosur pistoletën në kokë në formë kërcënimi, ndërsa e kishte mbajtur me duar nga fyti.
Një tjetër viktimë tha se ai abuzonte me postin e tij si “oficer mbrojtjeje” që shpesh kishte të bënte me gratë e abuzuara, të cilave u thoshte “unë jam ligji, unë jam policia”.
Carrick ka pranuar tashmë 49 akuza në lidhje me të paktën 12 gra duke detyruar përsëri policinë britanike të kërkojë ndjesë për tolerimin e kriminelit me uniformë, pas disa rasteve te ngjashme.
Carrick u ndaua më në fund kur një grua vendosi ta denonconte në tetor 2021, pas publicitetit ndaj policit tjetër abuzues në Londër, Wayne Couzens.
Top Channel
