Dezertori rus tregon sekretet e bazave bërthamore të Putinit: Ditën që nisi pushtimi i Ukrainës na tha se… 26/11 11:52
Marina amerikane ka publikuar fotot e balonës së dyshuar kineze të vëzhgimit që u qëllua të shtunën.
Komanda e Forcave të Flotës Amerikane postoi disa foto në faqen e saj në Facebook, duke treguar mbetjet të mëdha të balonës duke u tërhequr në një varkë në Oqeanin Atlantik.
Postimi thoshte se marinarët që morën mbetjet të dielën ishin pjesë e ekipit të specialistëve të eksplozivëve të Marinës.
Pajisja tani do të ekzaminohet për të parë nëse ishte vërtet pajisje spiunazhi.
Zyrtarët amerikanë e kanë përshkruar balonën si rreth 60 metra të gjatë.
Zbulimi i balonës shkaktoi një krizë diplomatike, me Sekretarin Amerikan të Shtetit Antony Blinken që anuloi menjëherë një udhëtim në fundjavë në Kinë – takimi i parë i nivelit të lartë SHBA-Kinë në vite – për “aktin e papërgjegjshëm”.
Balona u mor në brigjet e Myrtle Beach, Karolina e Jugut, një ditë pasi u rrëzua nga një avion luftarak.
Ekspertët thonë se rrënojat e balonës mund t’i ofrojnë SHBA-ve një informacion të vlefshëm në teknologjinë dhe teknikat e vëzhgimit ajror kinez, duke i lejuar ata të kuptojnë më mirë se çfarë ishte në gjendje të bënte balona dhe si transmetonte informacionin.
Zyrtarët amerikanë të mbrojtjes së pari njoftuan se po gjurmonin objektin e çuditshëm të enjten dhe pritën derisa të ishte i sigurt mbi ujë përpara se ta rrëzonin.
Pamjet në rrjetet televizive amerikane treguan se balona ra në det pas një shpërthimi të vogël.
Të premten, Pentagoni tha se një tullumbace e dytë spiune kineze ishte vërejtur – këtë herë mbi Amerikën Latine me pamje të raportuara mbi Kosta Rika dhe Venezuelë.
Top Channel
