Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Gazetari Sokol Brahaj ka raportuar nga Turqia tmerrin e situatës katastrofike të shkaktuar nga një tërmet i fortë 7.8 ballë duke lënë pas mijëra viktima.
Në një lidhje direkte për “Top Story” ai tha se tmerri ndihet kudo në juglindje të Turqisë, ku rreth 20 mln banorë kanë mbetur jashtë banesave të tyre të pasigurta tashmë pas tërmeteve të fuqishme të 24-orëve të fundit.
Ai tha se sizmologët kanë paralajmëruar se të tjera tërmete të forta priten në vijim si pas-lëkundje, ndërsa në terren janë dërguar të gjitha grupet e kërkim-shpëtimit.
“Kanë rënë mbi 90 tërmete 5 ballë e sipër. Një tmerr i paparashikueshëm që nuk e shpreh dot. Sizmologët në këtë fushë e kanë studiuar, në atë zonë pritej një tërmet i madh. Sipas tyre pritet që të ketë për javë të tëra tronditje jo të vogla. Menaxhimi nga ana e qeverisë janë në maksimum, e gjithë Ankaraja është drejtuar atje, ministrat, presidenti ka dhënë direktivat e veta. Forcat e kërkim shpëtimit janë drejtuar atje, zona është sa harta e Anglisë. 20 mln banorë, askush s’hyn ma në banesën e tyre, është ftohtë, borë shi. Shteti bashkitë, ndihmat ndërkombëtare kanë arritur në zonë. Në perëndim pllakat tektonike janë të ndryshme, nuk është dëgjuar, por në Stamboll është dëgjuar. Nuk jepen informata të sakta, por priten lëkundje të përmasave që vazhdojnë të frikësojnë atë popull”- raporti nga Turqia gazetari Sokol Brahaj.
Top Channel
