Çfarë ndodh ditën e zgjedhjeve dhe më pas/ Përse shumica e votave nuk mjafton për të fituar automatikisht? 05/11 10:22
Senati i Akademisë së Studimeve Albanologjike nën drejtimin e rektorit Luan Përzhita ka miratuar buxhetin dhe programin për aktivitetet shkencore dhe botimet e vitit 2023.
Buxheti i këtij viti, krahasuar me buxhetin e vitit 2022, krijon mundësinë që të katër institutet e ASA-s, të përmbushin botimin e më shumë titujve, rreth 55 tituj dhe të realizojnë më shumë aktivitete shkencore, konferenca kombëtare, mbarëkombëtare dhe ndërkombëtare, ekspedita hulumtuese dhe dokumentuese, ligjërata, seminare dhe ekspozita, që do të përmbyllen në fund të vitit me “Ditët e Albanologjisë”.
Vazhdon bashkëpunimi ndërkombëtar për projekte kërkimore me qendra dhe institute shkencore partnere të Akademisë së Studimeve Albanologjike nga vende si Franca, Italia, Anglia, Greqia, Gjermania, SHBA-të etj., po edhe me qendrat albanologjike në Shkup dhe Prishtinë, sipas memorandumit të bashkëpunimit i nënshkruar në vitin 2021.
Një nga çështjet e rëndësishme, e rimarrë në shqyrtim, ishte hapja e Laboratorit të Restaurimit dhe Arkeometrisë në mjediset e Institutit të Antropologjisë Kulturore dhe Studimit të Artit.
Anëtarët e Senatit diskutuan për perspektivën e afërt të Shkollës së Doktoraturës, po edhe për mundësinë e digjitalizimit të bibliotekave të ASA-s. Po ashtu u shpreh shqetësimi për mungesën e fondeve për investime në rikonceptimin e Muzeut të Arkeologjisë dhe për arkivat e instituteve të ASA-s.
Në ditët në vazhdim do te behet me dije kalendari i aktiviteteve e të botimeve për secilin institut të ASA-s për vitin 2023.
Top Channel
