Ministrja gjermane: G7 duhet t’i përgjigjet sulmit të Iranit kundër Izraelit 18/04 22:35
Një kompani ndërtimi në Britani është gjobitur £120,000 ku u pa që dy nga punonjësit e saj u ngritën në lartësi me kovën e skavatorit për të bërë instalimet e një shtëpie të re.
Dy punonjësit kishin zgjedhur rrugën më të shkurtër për të vendosur një copë të madhe guri në fasadën e shtëpisë, dhe ‘fatkeqësisht’ për ta sikush i regjistroi në kamera.
Dhe në fakt veprimi ishte po aq i rrezikshëm, sa thotë dhe rregullorja që e ndalon atë.
Pamjet tregojnë dy punonjësit e paidentifikuar që zgjaten rrezikshëm mbi skavator teksa përpiqen të vendosin në vend copën e gurit.
Dhe sikur kjo të mos mjaftonte asnjë prej tyre nuk mbante helmetë mbrojtëse në kokë megjithëse janë ngritur rreth 7 metra mbi tokë.
Zyrtarët e sigurisë thanë se incidenti kishte ndodhur gjatë ndërtimit të një kompleksi rezidencial në Manchester në vitin 2021, dhe u publikua së fundmi për të demonstruar sesi shkelja e procedurave ndëshkohet nga autoritetet.
Inspektorët kishin gjetur gjithashtu të tjera shkelje gjatë vizitave të tyre në punën e kompanisë gjatë vizitave të tyre në vitet 2018 deri në 2021 në ndërtimet e kompleksit të luksit.
Ata kishin zbuluar gjithashtu skela e gardhe të pasigurta si dhe mungesë të ambjenteve të ndihmës mjekësore.
Në një raport mbi inspektimet thuhej: “Shkelje të shumta u gjetën për rregullat e sigurisë në punë, sidomos për veprimet në lartësi dhe për mbrojtjen nga pluhuri i silikateve”.
Inspektori Mike Lisle tha se është e rëndësishme që të gjitha kantieret e punës ku mund të rrezikohet jeta ose shëndeti i punonjësve, duhet të kushtojnë shumë vëmendje ndaj rregullave të sigurisë.
Pas raportit, kompania e ndërtimit nga Rochdale, Hoyle Developments Limited pranoi shkeljet dhe u gjobit me £120,000 gjobë dhe £3,165.15 në kosto.
Top Channel
