Mediat kanadeze padisin inteligjencën artificiale OpenAI për shkelje të të drejtës së autorit (fotot) 29/11 21:55
Një nga ndihmësit kryesorë të presidentit ukrainas Volodymyr Zelensky ka dhënë dorëheqjen ditën e sotme.
Kyrylo Tymoshenko ishte zëvendës shefi i zyrës së presidentit dhe falënderoi Zelensky për “mundësinë për të bërë vepra të mira çdo ditë dhe çdo minutë”.
Ai ishte përfshirë në skandale të lidhura me përdorimin e makinave të shtrenjta.
Zelensky ka sinjalizuar se edhe zyrtarë të tjerë të lartë do të largohen nga qeveria e tij në ditët në vijim. Sumy, Dnipro, Zaporizhzhia dhe Kherson, mund të jenë të radhës, për shkak të lidhjeve të tyre me ndihmësin e dorëhequr presidencial, sipas gazetës ukrainase Ukrainska Pravda.
Udhëheqësi ukrainas ka thënë se po kryen një sërë ndryshimesh të personelit në qeveri, autoritetet rajonale dhe shërbimet e sigurisë.
Të hënën, zëvendësministri i infrastrukturës i Ukrainës, Vasyl Lozinskyi, u shkarkua dhe u arrestua pasi u akuzua për marrje ryshfeti me vlerë 400,000 dollarë.
Ukraina ka një histori korrupsioni dhe në vitin 2021 Transparency International e ka renditur vendin në 122 nga 180 vende në renditjen e shteteve të korruptuara.
Dhe David Arakhamia, kreu i partisë së Zelensky, Shërbëtori i Popullit, është zotuar se zyrtarët e korruptuar mund të përballen me burg.
Top Channel
