Zgjedhjet në Venezuelë/ SHBA kundërshton Nicolas Maduro, njeh si fitues kandidatin e opozitës 20/11 08:01
Një zyrtare e lartë e OKB-së beson se po bëhet përparim drejt anulimit të disa ndalimeve për pjesëmarrjen e grave në jetën publike në Afganistan.
Zëvendës Sekretarja e Përgjithshme Amina Mohammed ka qenë në Kabul për një vizitë katër-ditore për t’i nxitur talebanët të rishqyrtojnë.
Duke folur për BBC në fund të udhëtimit të saj, zonja Mohammed tha se shumica e zyrtarëve të lartë talebanë që ajo takoi ishin gati të angazhoheshin për të drejtat e vajzave dhe grave.
Megjithatë, ajo i përshkroi bisedimet si të vështira.
“Unë mendoj se ka shumë zëra që kemi dëgjuar, të cilët janë progresiv në rrugën që ne do të donim të shkonim,” tha zonja Mohammed. “Por ka të tjerë që në të vërtetë nuk janë.”
Zonja Mohammed kritikoi gjithashtu komunitetin ndërkombëtar, duke përfshirë shtetet e tjera islamike, për mos angazhimin në këtë çështje.
Që nga rimarrja e kontrollit të vendit vitin e kaluar, talebanët kanë kufizuar vazhdimisht të drejtat e grave – pavarësisht se premtuan se sundimi i tij do të ishte më i butë se regjimi i parë në vitet 1990. Gratë u ndaluan të punojnë për organizatat joqeveritare, shkollat e mesme për vajza mbeten të mbyllura në shumicën e provincave, ndërsa gjithashtu janë penguar të hyjnë në parqe dhe palestra, mes vendeve të tjera publike.
Qëllimi saj është që gratë të shkollohen apo punojë, pra të kenë të drejta në jetën publike.
Top Channel
