Kandidati prorus prin në zgjedhjet presidenciale në Rumani 25/11 08:36
Ish shefi i CIA-s, Bill Burns, udhëtoi për në Kiev para fillimit të pushtimit rus të Ukrainës për të informuar presidentin ukrainas Volodymyr Zelensky se Rusia po planifikonte ta vriste atë, sipas librit të Chris Whipple.
Regjisori dhe autori më i shitur i New York Times, në librin e tij të ardhshëm “Lufta e jetës së tij: Brenda Shtëpisë së Bardhë të Joe Biden”, raporton se në të njëjtën kohë, Zelensky hodhi poshtë paralajmërimet nga zyrtarët amerikanë se Moska së shpejti do të niste pushtimin.
Ishte një situatë shumë e pazakontë sepse zyrtarët amerikanë rrallë i ndajnë publikisht të dhënat e inteligjencës kur filloi administrata e Biden.
Administrata e tij filloi të zbulonte në mënyrë rutinore planet e Rusisë për gazetarët dhe qeveritë e huaja.
Në një kopje të librit të Whipple që e posedonte the Independent, autori shkroi se Burns shkoi në Kiev për të “zbritur Zelenskyn në realitet”. Biden ngarkoi kreun e CIA-s që t’i detajonte Zelenskyt komplotet ruse.
“Kjo tërhoqi menjëherë vëmendjen e Zelenskyt. Ai u befasua, u kthjellua pas atij lajmi”, thuhet në libër.
Zyrtarët ukrainas thonë se Zelensky u ka mbijetuar mbi 12 atentateve ruse që nga fillimi i shkurtit të vitit të kaluar.
Whipple shkruan se të paktën dy përpjekje u penguan falë inteligjencës amerikane që Burn ndau me Zelenskyn gjatë një vizite në Kiev.
Top Channel
