![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Ministrja e Jashtme Olta Xhaçka ka reaguar ndaj deklaratës së ministrit britanik të emigracionit, që u shpreh kriminelët shqiptarë po shporren nga Mbretëria e Bashkuar.
“Veçim i turpshëm i një komuniteti nga një ministër me parime demokratike që sjell kujtime të tmerrshme me një brutalitet të padurueshëm”, thekson Xhaçka në reagimin e saj të postuar në rrjetet sociale.
“Një linçim verbal ndaj një kombi të tërë në një gjuhë që tingëllon sikur ministri po shpall sezonin e hapur për shqiptarët vetëm disa javë pas Komunikatës së Përbashkët mes Kryeministrit të Republikës së Shqipërisë dhe atij të Britanisë së Madhe ku vlerësuan rolin e diasporës shqiptare në Britani dhe kontributin e saj të rëndësishëm në kulturë,ekonomi dhe shoqërinë e të dy vendeve.
Veçim i turpshëm i një komuniteti nga një ministër me parime demokratike që sjell kujtime të tmerrshme me një brutalitet të padurueshëm”.
Më herët ka qenë sekretarja e brendshme britanike Suella Braverman, kur u shpreh se vendi po përballet me një “pushtim” nga njerëzit që përshkojnë me varka kanalin e La Manshit, duke etiketuar veçanërisht Shqipërinë.
Top Channel