Sulmohet në Serbi autobusi me emigrantë nga Kosova
08/01/2023 14:36
Maqedonia e Veriut mban sot zgjedhjet presidenciale, partitë shqiptare garojnë me dy kandidatë 24/04 07:56
Një autobus me emigrantë nga Kosova që po udhëtonte nga Peja për në Dortmund të Gjermanisë është sulmuar me gurë mbrëmjen e së shtunës në Serbi.
Fatmirësisht të gjithë udhëtarët që ishin në autobus nuk pësuan lëndime, ndërsa pas incidentit autobusi vazhdoi me itenerarin e tij.
Sipas raportimeve të mediave në Kosovë, ngjarja ka ndodhur rreth orës 21:00 të mbrëmjes së djeshme në Krushevc.
Nga fotot e para nga incidenti duket se është sulmuar me gurë pjesa e përparme e autobusit duke thyer xhamin.
Autoritet thonë se janë duke e hetuar ngjarjen, por ende nuk kanë detaje se kush qëndron pas sulmit.
Ndërkohë ky incident vjen pas ditësh të tëra tensione në veriun e Kosovës, ku serbët lokale ngritën barrikada pas arrestimit të ish zyrtarit policor Dejan Pantiç.
Barrikadat u hoqën kur Pantic u vendos në arrest shtëpie, por klima e tensioneve ne veri nuk duket se është zbutur.
Top Channel
