“Netanyahu nuk arrestohet”, Gjermania mbështet Gjykatën Ndërkombëtare Penale, por jo në këtë rast?
23/11 11:47
Shtetet e Bashkuara të Amerikës po shqyrtojnë mundësinë e dërgimit të automjeteve të blinduara luftarake Bradley në Ukrainë, tha të mërkurën presidenti Joe Biden.
I pyetur nëse automjetet Bradley ishin “në tavolinë” për Ukrainën, Biden u tha një grupi gazetarësh, “po”.
Bradley është një automjet i blinduar i krijuar për të transportuar trupa në fushën e betejës. Ai është i armatosur me disa armë të ndryshme për të mbrojtur ekuipazhin dhe për të sulmuar objektivat armiqësore.
ShBA mund të njoftojë transferimin e automjeteve Bradley në paketën e ardhshme të sigurisë në Ukrainë, tha një zyrtar i mbrojtjes, shkruan CNN.
Kjo do të ishte pjesa e parë e re e pajisjeve ushtarake që SHBA ka rënë dakord të dërgojë në Ukrainë pas vizitës së presidentit ukrainas, Volodymyr Zelensky në Washington në fund të muajit të kaluar.
Gjatë asaj vizite, ShBA-ja ka njoftuar se do të dërgonte raketa të mbrojtjes ajrore Patriot në Ukrainë, një nga sistemet më të rëndësishme dhe më të avancuara që Washingtoni i ka ofruar Kievit. Por, Zelensky e ka bërë të qartë se ai do të kishte ende nevojë për më shumë pasi lufta në Ukrainë po i afrohet kufirit të saj njëvjeçar.
Zëdhënësi i Këshillit të Sigurisë Kombëtare, John Kirby tha të mërkurën se ShBA po planifikon të shpallë një paketë të re ndihme në ditët ose javët e ardhshme.
ShBA i ka ofruar Ukrainës në të kaluarën automjete të tjera të blinduara, duke përfshirë automjete të mbrojtura nga prita rezistente ndaj minave (MRAP) dhe automjete të blinduara të shërbimeve. ShBA gjithashtu ka paguar për rinovimin e tankeve T-72 të epokës sovjetike.
Në këtë kohë, ShBA nuk është gati të dërgojë tanke M-1 Abrams, pavarësisht kërkesave të përsëritura të Ukrainës, thanë dy zyrtarë të mbrojtjes.
Top Channel
