Ambasada amerikane ia bën të qartë Serbisë: Pavarësia e Kosovës është fakt!
05/01/2023 13:50
“Mos guxo të më bërtasësh”, debate në mbledhjen e komisionit hetimor për koncesionet në Shëndetësi, Vokshi-Koçit: Ule zërin! 25/04 11:38
Ambasada amerikane në Prishtinë thekson se qëllimi i Shteteve të Bashkuara është që të mbështesë Kosovën që të bëhet pjesë e strukturave evropiane dhe euroatlantike, duke bërë të qartë se “pavarësia e Kosovës është fakt”.
Ky reagim në Twitter vjen pas një lajmi se llogaria e Ambasadës amerikane në këtë rrjet social kishte “pëlqyer” një postim të një media serbe që fliste për çnjohjet e pavarësisë së Kosovës, të pretenduara nga presidenti serb, Aleksandër Vuçiç.
“Llogaria zyrtare në Twitter e Ambasadës amerikane nuk e ka ‘pëlqyer’ qëllimshëm asnjë postim në Twitter në 24 orët e fundit. Siç e kemi thënë edhe më herët, kur ne duam të artikulojmë një qëndrim, ne e bëjmë përmes kanaleve zyrtare, deklaratave, e jo përmes ‘pëlqimeve’ në rrjetet sociale”, thuhet në sqarim.
Ambasada shtoi se kundërshton në mënyrë kategorike “çdo përpjekje për të vënë në pikëpyetje pavarësinë dhe sovranitetin e Kosovës”.
Let’s be clear: Kosovo’s independence is a fact. Our primary goal is to support Kosovo as it takes its rightful place in European and Euro-Atlantic structures. We categorically oppose any effort to call into question Kosovo’s independence and sovereignty. 1/2
— U.S. Embassy Pristina (@USEmbPristina) January 5, 2023
Top Channel
