Pas larjes së dhëmbëve thuajini ‘Jo’ këtyre pijeve!

Të paktën këtë kanë këshilluar stomatologët. Sipas tyre është e rëndësishme të lani dhëmbët dhe të shmangni disa ushqime, si hudhra, përpara se të shkoni te dentisti. Gjithashtu, para ekzaminimit duhet të shmangni kafen, çajin, pijet e gazuara dhe verën e kuqe, sepse të gjitha ato mund t’ju njollosin dhëmbët.

Përveç kësaj ata zbuluan se pas ekzaminimit dhe procesit të lustrimit të dhëmbëve, është e nevojshme të shmanget lëngu i portokallit, për shkak të aciditetit të tij, si dhe lëngjet e gazuara. Megjithatë, stomatologët theksojnë se larja e dhëmbëve pasi keni pirë lëng portokalli është gabimi më i madh, sepse në këtë mënyrë mund të humbasin minerale të rëndësishme dhe mund të ketë edhe pasoja estetike si humbja e shkëlqimit të dhëmbëve.

Ka një fazë, kur pini një pije acidike, kjo është ajo që ne e quajmë demineralizimi dhe kjo është faza në të cilën mineralet eliminohen nga dhëmbët. Pas kësaj, pështyma do të çonte në remineralizimin, kthimin e mineraleve në dhëmbë. Por nëse i lani dhëmbët përpara se të ndodhë faza e remineralizimit, do ta shmangni këtë fazë. Prandaj është mirë të prisni gjysmë ore deri në një orë pasi të keni konsumuar ushqime dhe pije acidike dhe më pas të lani dhëmbët.

Ndërkaq, më shumë se 1 në 4 të rritur në SHBA, pra 26% e tyre kanë kavitete dentare të patrajtuara, sipas të dhënave të shëndetit oral të mbledhura nga Qendrat për Kontrollin dhe Parandalimin e Sëmundjeve. Për më tepër, 46% e të rriturve 30 vjeç e lart kanë shenja të sëmundjes së mishrave të dhëmbëve dhe 13% e të rinjve të moshës 5 deri në 19 vjeç kanë dhëmbëve të prishur pasi nuk janë trajtuar.

Top Channel