Emigrantët e “Gjadrit”, Meloni takim me ministrat: Kasacioni na dha neve të drejtë!
23/12 14:22
Paraardhësi i Papa Françeskut, Benedikti XVI është më gjendje të rëndë shëndetësore.
Kjo gjë u bë publike nga Papa Françesku, i cili nuk dha detaje për gjendjen e paraardhësit të tij, por u bëri thirrje besimtarëve që të luten për të.
“Unë do të doja t’ju kërkoja të gjithëve për një lutje të veçantë për Papa Benediktin, i cili po e mban kishën në heshtje“, tha Papa.
Vatikani konfirmoi gjendjen e tij shëndetësore, e cila po monitorohet nga mjekët.
“Gjatë orëve të fundit ka ndodhur një përkeqësim i gjendjes shëndetësore për shkak të moshës. Situata për momentin mbetet nën kontroll, e monitoruar vazhdimisht nga mjekët”, thuhet në deklaratë.
Emeritus Benedikti XVI ishte Papa i parë që doli në pension në 600 vite, në shkurt të vitit 2013. 95-vjeçari ka pasur një gjendje të dobët shëndetësore vitet e fundit, ndërsa jetën ia kushtoi lutjes dhe meditimit.
Top Channel
