Erdogan kërkon zbatimin e mandat-arresteve të Gjykatës së Hagës ‘për të kthyer besimin te sistemi ndërkombëtar’ (fotot)
23/11 18:25
Kinezët kanë nxituar të rezervojnë udhëtime jashtë shtetit pasi Pekini njoftoi se do të rihapë kufijtë e tij muajin e ardhshëm.
Aplikimet për pasaporta për qytetarët kinezë që dëshirojnë të udhëtojnë ndërkombëtarisht do të rifillojnë nga 8 janari, tha administrata e imigracionit. Që atëherë, faqet e udhëtimit kanë raportuar një rritje të trafikut. Por turistët kinezë nuk do të kenë akses të papenguar në të gjitha vendet.
Zyrtarët në SHBA po shqyrtojnë kufizime të reja për udhëtarët nga Kina për shkak të shqetësimeve për një rritje të rasteve dhe mungesës së transparencës nga qeveria kineze.
“Ka shqetësime në rritje në komunitetin ndërkombëtar për rritjet e vazhdueshme të Covid-19 në Kinë dhe mungesën e të dhënave transparente”, thanë zyrtarët amerikanë në një deklaratë.
“Pa këto të dhëna, po bëhet gjithnjë e më e vështirë për zyrtarët tanë të shëndetit publik të sigurojnë që ata do të jenë në gjendje të identifikojnë çdo variant të ri të mundshëm dhe të marrin masa të menjëhershme për të reduktuar përhapjen”, shtuan ata.
Japonia, një nga destinacionet më të njohura për udhëtarët kinezë, ka njoftuar se të gjithë udhëtarët nga Kina duhet të tregojnë një test negativ Covid në mbërritje, ose karantinë për shtatë ditë, për shkak të rritjes së rasteve atje.
India ka thënë gjithashtu se udhëtarët nga Kina (si dhe disa vende të tjera) duhet të tregojnë një test negativ Covid kur të mbërrijnë, megjithëse kjo u njoftua përpara lehtësimit të kufizimeve nga Pekini.
Lehtësimi i rregullave të udhëtimit në Kinë, pjesa e fundit e politikës së vendit për zero Covid, vjen ndërsa vendi lufton me një valë të re infeksionesh. Pakënaqësia kundër politikës së qeverisë, e cila shkaktoi protesta të rralla publike kundër Presidentit Xi Jinping në nëntor, çoi në një lehtësim të kufizimeve të Covid në të gjithë vendin.
Top Channel
