Trump nënshkruan marrëveshje me Shtëpinë e Bardhë, zyrtarisht gati transferimi i pushtetit 27/11 07:29
Dhjetra refugjatë Rohingya kanë kaluar një muaj në det në Indonezinë perëndimore me një varkë druri dhe motor të prishur, thonë zyrtarët lokalë.
Varka prej druri me 57 burra në bord u ul të dielën në mëngjes në provincën Aceh, tha zëdhënësi i policisë lokale Winardy për AFP, ku përshkruhen si të uritur dhe të dobët, ndërsa të paktën tre burra u dërguan në spital.
Nuk është e qartë nëse ata janë pjesë e një grupi prej të paktën 150 refugjatësh që u bllokuan në det javë më parë.
Rohingya janë një pakicë etnike e persekutuar në shtëpinë e tyre në Myanmar (Burma).
“Anija kishte një motor të prishur dhe era e çoi në një breg në fshatin Ladong në Aceh Besar”, tha zëdhënësi.
Një zyrtar lokal i imigracionit i tha AFP se refugjatët do të vendoseshin përkohësisht në një strukturë qeveritare.
Nuk dihej menjëherë se nga kishin lundruar emigrantët, megjithëse shumë prej tyre jetojnë në kampet e refugjatëve në Bangladesh, rreth 1,200 milje larg.
Javën e kaluar, OKB-ja u kërkoi vendeve përreth Detit Andaman në Azinë Juglindore të ndihmojnë një varkë të vogël peshkimi që mbante të paktën 150 refugjatë Rohingya, të cilët kishin mbetur pa energji për dy javë pasi u larguan nga Bangladeshi.
Njerëzit në varkë të cilët u kontaktuan përmes telefonit satelitor thanë në atë kohë se një numër pasagjerësh, përfshirë fëmijë, kishin vdekur tashmë. Ata thanë se furnizimet me ushqim dhe ujë kishin mbaruar.
Shumë myslimanë Rohingya ikën në Bangladesh në vitin 2017 për t’i shpëtuar një fushate gjenocidi të nisur nga ushtria e Mianmarit.
Të paktën pesë varka dihet se janë larguar në dy muajt e fundit.
Top Channel
