Bretkosat mutante të Çernobilit po rishkruajnë historinë, çfarë kanë zbuluar shkencëtarët 20/11 21:31
Një bretkosë që bëhet transparente gjatë gjumit mund të përmbajë të dhëna për të kuptuar mpiksjen e gjakut tek njerëzit.
Shkencëtarët kanë ditur prej kohësh për ekzistencën e ‘bretkosës prej qelqi’, por nuk e kuptonin se si ajo bëhej transparente.
Tani kërkimet kanë zbuluar se ajo është në gjendje të grumbullojë gjak në trupin e saj pa u ndikuar negativisht nga mpiksjet. Shkenctarët zbuluan se krijesat grumbullojnë gjak në mëlçinë e tyre.
Bretkosa e qelqit i kalon ditët duke fjetur në gjethe të gjelbra. Për t’i shpëtuar vëmendjes së grabitqarëve, krijesa bëhet deri në 61% transparente, duke u maskuar në gjethe.
“Nëse i ktheni përmbys këto bretkosa, mund të shikoni zemrën e tyre duke rrahur. Ju mund të shihni përmes lëkurës dhe të shihni muskujt, pjesa më e madhe e zgavrës së trupit është vërtet transparente”, tha Jesse Delia, një studiues në Muzeun e Historisë Natyrore për BBC.
Deri në 89% të qelizave të gjakut të kafshës grumbullohen së bashku, pothuajse duke dyfishuar madhësinë e mëlçisë dhe duke lejuar që bretkosa të bëhet transparente.
Natën, kur krijesa dëshiron të bëhet përsëri aktive për të gjuajtur ose çiftëzuar, ajo lëshon qelizat e kuqe të gjakut përsëri në qarkullim dhe mëlçia tkurret përsëri.
Gjetjet mund të avancojnë kuptimin mjekësor të mpiksjes së rrezikshme të gjakut, një gjendje e zakonshme serioze.
Në shumicën e kafshëve, grumbullimi i gjakut së bashku çon në mpiksje, e cila mund të jetë kërcënuese për jetën, për shembull, duke çuar në sulme në zemër te njerëzit.
Hulumtimi është publikuar në revistën shkencore Science.
Top Channel
