Një grua në Mamurras është arrestuar pasi është konstatuar afër një gjimnazi me doza kokaine të ndara gati për shitje
Në pranga M. Gj., 54 vjeçe, banuese në Kurbin, e akuzuar për veprën penale “Prodhimi dhe shitja e narkotikëve”.
54-vjeçarja u kap nga policia, në afërsi të një shkolle të mesme, në Mamurras, teksa po lëvizte me një automjet, ku pas kontrollit të ushtruar, iu gjet brenda tij një sasi lënde e dyshuar narkotike kokainë, e ndarë në dhjetëra doza të gatshme për shitje.
Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme.
Top Channel
