Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Familjarët zemërthyer të një burri që besohet se është rrahur për vdekje nga një koleg në një platformë detare energjitike në ujërat e Katarit, i bënin sot homazhe emocionale 38 vjeçarit “të marrë nga jeta para kohe”.
Robert Robson ka humbur jetën pasi ishte sulmuar në ambjentet e banimit në kompleksin detar energjitik Seafox Burj, ndërsa trupi i tij ishte gjetur i mbështjellë, në një tualet të stafit.
Kolegu i tij britanik Chris Begley, ishte plagosur pas goditjes në kokë që mori kur shkoi të ndihmonte ose kontrollonte për Robson.
Autoritetet në Katar kanë ndaluar për ngjarjen një 43-vjeçar nga Aberdeen. Identiteti i skocezit nuk eshte bere i njohur ende.
Robson nga veriu i Anglisë jetonte me partneren e tij Kristie Graham dhe fëmijët.
Ai besohet se kishte filluar punë vetëm kohët e fundit me kompaninë energjitike Film-Ocean, e cila furnizon dhe operon pajisje për industrinë detare globale të naftës.
Ministria e jashtme britanike tha se janë duke dhënë ndihmë për familjen e viktimës, ndërsa kompania Film-Ocean tha se nuk ka më staf në bordin e platformës Seafox Burj.
E përditshmja Daily Mail shkruante se megjithë rrogat e larta, kushtet e jetesës në platformë ishin të përçmueshme, dhe atmosfera përshkruhej si “një tenxhere me presion”.
Robson besohet se është sulmuar të hënën dhe pësoi plagë fatale pasi u godit me një bombul oksigjeni.
Kolegu i tij Begley gjithashtu u godit në kokë por arriti të shpëtonte e të kërkonte ndihmë. Ai është trajtuar në spital por tashmë është kthyer në vendin e tij, Skoci.
Policia e Katarit kishin ardhur me helikopter në platformë nga Doha për arrestimin e të dyshuarit, i cili ende vijon të merret në pyetje, sipas autoriteteve.
Ish-kolegë të vrasësit të dyshuar kanë shprehur habinë për veprimet e supozuara, ndërsa tani mund të përballet me dënim me vdekje nëse shpallet fajtor në Katar.
Çështjet e vrasjeve në Katar vendosen nga tre gjykatës dhe nganjëherë vendimi lihet në dorë të familjes së viktimës (nëse duan t’ia falin jetën apo ajo).
Një avokat në Katar tha: “Dënimi mund të jetë ekzekutim, përveç rastit kur familja e viktimës e fal dhe dënimi ulet”.
Të tre anëtarët e stafit të përfshirë punonin në kohën e incidentit në platformën e kompanisë energjitike skoceze Film-Ocean.
Top Channel
