Kamala Harris pritet të fitojë $20 milionë për librin mbi fushatën e dështuar presidenciale dhe sekretet e Biden (fotot)
18/12 21:25
FIFA u ka dhënë mundësinë punonjësve të medias në Kupën e Botës në Katar të bëjnë homazhe në çdo stadium, për tre gazetarët që kanë humbur jetën papritur gjatë punës së tyre në kampionat.
Gazetarët Khalid al-Misslam, Roger Pearce e Grant Wahl kanë humbur jetën për arsye ende të paditura teksa mbulonin Kampionatin Botëror të Futbollit.
Drejtori i FIFAs për median Bryan Swanson tha se libri ngushëllimeve është në çdo stadium për të shkruar mesazhet e rastit.
Swanson shkruante: “Po hapim librat e ngushëllimeve në qendrat e medias së FIFAs pas vdekjeve tragjike të Khalid al-Misslam, Roger Pearce e Grant Wahl gjatë turneut. Mendimet tona janë me familjet e miqtë e tyre në këtë kohë të vështirë”.
Britaniku Pearce, drejtor teknik i rrjetit ITV Sport vdiq papritur më 21 nëntor para ndeshjes Uells-SHBA.
Vetëm pas tre javësh u njoftua vdekja e dytë e punonjësit të medias kur 49 vjeçari Wahl ra së prapthi në karrigen e tij në stadiumin Lusail, në fund të ndeshjes mes Argjentinës dhe Hollandës.
Gazetari amerikan ishte ankuar për probleme të frymëmarrjes gjatë javës, shkruan rrjeti britanik Daily Mail.
Shumë njerëz e mësuan vdekjen e Wahl vetëm prej vëllait të tij Eric, i cili pretendonte se “vëllai i tij ishte vrarë”. Më vonë ai hoqi dorë nga pretendimi.
Një ditë pas vdekjes së Wahl, foto-gazetari vendas nga Katari, Al-Misslami u bë punonjësi i tretë i medias që ndërronte jetë, lajm i njoftuar nga e përditshmja Gulf Times.
Postimi shkruante: “Gazetari rrjetit Al Kass TV, Khalid al-Misslam ka vdekur papritur teksa mbulonte kampionatin botëror 2022. Ne besojmë në mëshirën e Allahut dhe faljen e tij, dërgojmë ngushëllimet më të thella familjes.
Edhe rrethanat e vdekjes së Al-Misslami mbeten mister.
Top Channel
