Ekskluzive/ Dosja britanike e Berishës “non-grata”. Zbulohen lidhjet korruptive të ish kryeministrit me bosin hasian në Londër dhe…
20/05 19:34
Reagimin e ambasadores Yuri Kim ditën e djeshme për të luftuar korrupsionin, deputeti i Partisë Demokratike Ferdinand Xhaferraj, e konsideron si mesazh të qartë drejtuar qeverisë.
Në një reagim në rrjetet sociale, Xhaferraj shkruan se ambasadorja i zbehu entuziazmin qeverisë për largimin e saj, duke i siguruar ata se SHBA do të vijojë angazhimin për çrrënjosjen e korrupsionit në vend.
“Tentativave të qeverisë për te kontrolluar zgjedhjen e kreut të SPAK-ut, ambasadorja iu përgjigj duke rikujtuar se Presidenti Biden a ka përcaktuar luftën kundër korrupsionit si interes thelbësor të Amerikës”- shprehet Xhaferraj.
Postimi i Ferdinand Xhaferrajt:
Ambasadorja Kim sigurohet të zbehë entuziazmin e qeverise për largimin e saj. Ndërsa qeveria shqiptare nxitoi dy ditë me pare me një akt të paprecedent diplomatik te informonte për fillimin e procedurave për zëvendësimin e ambasadores Kim, sot Ambasadorja “I ktheu nderin” duke i siguruar se angazhimi i SHBA-se për çrrënjosjen e korrupsionit që ka mbërthyer Shqipërinë nuk do të zbehet me largimin e saj.
Tentativave të qeverisë për te kontrolluar zgjedhjen e kreut të SPAK-ut, ambasadorja iu përgjigj duke rikujtuar se Presidenti Biden a ka përcaktuar luftën kundër korrupsionit si interes thelbësor të Amerikës.
Madje, ne qershor 2021, ka nënshkruar një Urdhër Ekzekutiv, i cili ka për qëllim te rrisë pasojat për këdo qe minon institucionet demokratike dhe destabilizon Ballkanin Perëndimor, përfshi Shqipërinë.
Ne reagimin e saj ambasadorja Kim theksoi se “I nxisim institucionet e drejtësisë të Shqipërisë që të bashkohen me ne për ta ngritur anti-korrupsionin si çështje qendrore – për të bërë të qartë se të gjithë janë të barabartë përpara ligjit, që askush nuk është mbi ligjin, që ditët e pandëshkueshmërisë po i afrohen fundit”. Për nga mënyra se si funksionon gjeopolitika, frytet e diplomacisë shpesh nuk ndihen ne afat-shkurtër.
Kjo konfirmon se korrupsioni masiv do të jetë murtaja që do të zerojë në sytë e aleateve çdo “nder” gjeopolitik te bere nga Rama me shpresën se përmes tyre do te fshihte bëmat e deritanishme.
Top Channel
