Sulmet ruse gjatë natës në Ukrainë, Zelensky bën thirrje për unitet: Vetëm së bashku mund ta ndalojmë këtë të keqe 17/11 13:20
Një sulmues i armatosur ka vrarë një grua në qytetin gjerman Dresden, para se të bastiste një qendër tregtare dhe të tentonte të merrte pengje, njoftonin mediat vendase.
Dyqanet u mbyllën më pas për disa orë në tregun e Krishtlindjeve pas incidentit te pazakonte, ‘Striezelmarkt’ teksa policia nxiste njerëzit të shmangnin zonën.
E përditshmja vendase BILD, tha se “burri i armatosur vrau një grua”, bastisi një stacion lokal radio, dhe më pas u nis drejt qendrës tregtare ku “mori disa pengje”.
Nuk ka asnje informacion mbi motivet, identitetin apo perkatesine etnike te sulmuesit.
Kreu i stacioni të përfshirë në ngjarje ‘Radio Dresden’ Tino Utassy tha: “Për fat të gjithë punonjësit shpëtuan të palënduar.”
Më tej mediat thonin se sulmuesi ishte mbyllur brenda një farmacie në qendrën tregtare Altmarkt-Galerie.
Policia tha se negocjatorët e saj kishin folur në telefon me sulmuesin 40 vjeçar para se forcat speciale të bastisnin ndërtesën.
Dy pengje – një grua dhe një fëmijë – u liruan të palënduar, ndërsa i dyshuari ishte plagosur nga policia dhe më pas kishte vdekur, sipas informacionit të mediave gjermane.
“I dyshuari vdiq gjatë operacionit të lirimit të pengjeve në qendër të Dresden,” tha zëdhënësi Thomas Geithner.
“40-vjeçari pësoi plagë fatale gjatë sulmit për lirimin e pengjeve”, tha policia, pa qartësuar më shumë për mënyrën e vdekjes apo se ku dhe sa here ishte qëlluar nga efektivët.
Tregu Striezelmarkt konsiderohet nga më të vjetrit në Dresden e në Gjermani.
Tregu i rihap disa orë pas incidentit, kur policia tha se nuk kishte më “situatë të rrezikshme”.
Top Channel
