Ftesë në 5/ Ermal Hadribeaj kryeson ndeshjen në Gjermani dhe valëvit flamurin shqiptar! 18/12 21:14
E ardhmja e Lionel Messit është gjithnjë e më shumë në dyshim duke qenë se kontrata e argjentinasit skadon në fundin e këtij sezoni.
Inter Miami, por edhe Barcelona synojnë të bindin “pleshtin” për të shijuar vitet e fundit në futbollin aktiv, megjithatë edhe PSG nuk është dorëzuar dhe do të luftojë për ta mbajtur 35-vjeçarin në organikë edhe për sezonin në vijim. Së fundmi, presidenti i parisienëve, Nasser Al-Khelaifi theksoi se me argjentinasin do të diskutojnë pas Botërorit, ndërsa zbuloi edhe se në merkaton e janarit mund të tentojnë transferimin e Marcus Rashford nga Manchester United.
“Me Messin kemi rënë dakord që të diskutojmë pas Kupës së Botës, të dyja palët janë shumë të lumtur nga ky bashkëpunim. Ai është shumë i kënaqur nga klubi i PSG dhe diçka e tillë dallohet edhe në kombëtaren e Argjentinës, e shihni sa i lumtur është? Me ne ka zhvilluar një super sezon.
Rashford? Është me të vërtetë një djalosh i jashtëzakonshëm, nëse largohet me zero nga United të gjithë do të duan të firmosin me të. Ne nuk fshihemi dhe në të kaluarën kemi biseduar me të, por nuk ishte momenti i duhur. Pse jo në merkaton e verës? Mund të flasim, por tashmë është i përqendruar te Kupa e Botës. Pastaj në janar të shohim, me pak fat dhe nëse na intereson, atëherë do të flasim me të”, u shpreh Rashford.
Top Channel
