Begaj takohet me Tajanin në Kalabri, diskutime për thellimin e bashkëpunimit mes Italisë dhe Shqipërisë në çështje rajonale dhe globale 02/05 22:00
Parashikimet për Belind Këlliçin rezultuan të vërteta. Ai u rendit i pari në garën për kryeqytetin, por sërish nuk ia doli të ishte rivali zyrtar i Erion Veliajt për zgjedhjet e pranverës për shkak të balotazhit me kandidatin e dytë më të votuar, Ilir Alimehmeti.
Zgjedhjet ne kryeqytet do të përsëriten në fundjavë, por as Tirana nuk bëri përjashtim nga rregulli. Pasi rezultati doli kandidatët të cilët rezultuan humbës hodhën akuza për orientim vote dhe lidhje të fituesve me Soros.
Lufta brenda llojit rezultoi të jetë më e ashpra në Bashkinë Kamëz. Kandidatët Shemsi Premçi dhe Asllan Dogjani që në nisje të procesit ngritën alarmin se listat e demokratëve ishin mbushur me socialistë, ndërsa pretenduan vjedhje masive votash brenda së njëjtës familje.
Procesi u shoqërua me akuza nga veriu në jug për garë të përcaktuar dhe orientim vote duke u pasuar më dorëheqje masive kandidatësh.
Sipari i tërheqjeve nisi nga Tropoja e Sali Berishës ku kandidatja Feride Rrahmanaj pretendoi se 600 demokratë ishin zhdukur në mënyrë të beftë nga lista e anëtarësisë.
Por, jo vetëm problemet me listat. Favorizimi i kandidatëve të Ilir Metës zhgënjeu demokratët e Kuçovës. Kreu i degës Myslim Haxhiu dhe kandidatja Brikena Koroveshi u tërhoqën nga procesi.
Për shkak të garancive të munguara për procesin, në shenjë proteste për zgjedhjet kandidati për Bashkinë e Sarandës, Armando Magllara, deklaroi divorcin përfundimtar me Partinë Demokratike duke lëshuar akuza të forta për Sali Berishën dhe Flamur Nokën, të cilët sipas tij e prenë në besë.
Mungesa e transparencës shoqëroi jo vetëm nisjen e procesit por edhe mbylljen e tij. Demokratët të cilët u ftuan të merrnin pjesë në zgjedhjet e së dielës nuk e dinë ende se sa votues ishin anëtar me teser partie dhe sa prej tyre ishin simpatizantë që nuk shquhen për kontribut në Partinë Demokratike.
Top Channel
