Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Deri në 13,000 ushtarë ukrainas janë vrarë që nga fillimi i pushtimit rus.
Lajmin e ka bërë me dije Mykhailo Podolyak, një këshilltar i presidentit ukrainas Volodymyr Zelensky, i cili tha se midis 10,000 dhe 13,000 trupa kishin vdekur.
Ai tha se gjatë qershorit rreth 100-200 ushtarë ukrainas po vdisnin çdo ditë.
Muajin e kaluar, gjenerali më i lartë amerikan, Mark Milley, tha se rreth 100,000 ushtarë rusë dhe 100,000 ukrainas ishin vrarë dhe plagosur që nga fillimi i luftës .
Ndërsa në një fjalim video të mërkurën, kryetarja e Komisionit të BE-së Ursula Von der Leyen tha se 100,000 trupa ukrainase ishin vrarë. Megjithatë, një zëdhënës i Komisionit të BE-së më vonë sqaroi se ky ishte një gabim, dhe shifra i referohej të vrarëve dhe të plagosurve.
Duke folur për kanalin televiziv ukrainas Channel 24, Podolyak tha se Kievi po fliste hapur për numrin e të vrarëve.
“Ne kemi vlerësime zyrtare nga Shtabi i Përgjithshëm, vlerësime zyrtare nga komandanti i përgjithshëm dhe ato variojnë nga 10,000 deri në 12,500-13,000 të vrarë,” tha ai.
Podolyak gjithashtu sugjeroi se deri në 100,000 ushtarë rusë ishin vrarë që nga fillimi i pushtimit më 24 shkurt, dhe se 100,000 deri në 150,000 të tjerë ishin plagosur, ose ishin të zhdukur ose të paaftë për t’u kthyer në luftime.
Top Channel
