Avioni përplaset me disa kamionë teksa zbriste në pistë, tre të plagosur 17/11 22:57
Parlamenti i Indonezisë pritet të kalojë së shpejti kodin e ri kriminal me disa kufizime të shtuara të drejtave siç është kriminalizimi i marredhënieve seksuale jashtë martesore dhe i ofendimit ndaj presidentit apo institucioneve.
Grupet e të drejtave të njeriut folën të alarmuar kundër ndryshimeve duke thënë se të gjithë qeveritë po përpiqen të cungojnë liritë e qytetarëve në emër të rendit ose të sigurisë.
Zv. Ministri i drejtësisë Edward Omar Sharif Hiariej, tha në një intervistë me rrjetin Reuters se kodi i ri kriminal pritet të kalojë në parlament më 15 dhjetor, duke thënë se ai “përshtatet me vlerat indoneziane”.
Nëse miratohet, kodi i ri aplikohet për indonezianët dhe vizitorët e huaj, të cilët nese kapen në seks jashtë martese mund të dënohen deri me 1 vit burg.
Ndërsa ofendimet ndaj presidentit marrin një dënim maksimal prej tre vjet burg, në vendin ku gjithashtu nuk lejohet ofendimi i institucioneve shtetërore apo pikëpamjet kundër ideologjisë shtetërore.
Aborti do të vijojë të mbetet ilegal, përveç rasteve të përdhunimit, sipas draftit të shikuar nga agjencia Reuters, me datë 24 nëntor.
Aktivistët e të drejtave thonë se ndryshimet janë një pengesë për demokracinë në vend ndërsa ekspertët e biznesit thonë se ato mund të dëmtojnë imazhin e vendit dhe të zvogëlojnë investimet.
Top Channel
