Zemërim në Amsterdam për panelet ‘e shëmtuara’ diellore mbi kanalet historike të qytetit (fotot)
19/12 19:31
Kurrizët e palëvizur të dhjetra krokodilëve gjigantë shihen në sipërfaqen e ujit të Tárcoles, ndërsa të tjerë në tokën e brigjeve të këtij lumi kostarikan, që çdo ditë sjell goma e mbetje të ndryshme, në zonat moçalore të Paqësorit.
Rreth 2,000 krokodilë amerikanë (Crocodylus acutus) banojnë në lumin Tárcoles, i cili rrjedh nga Cordillera qendrore pranë San José, ku shkarkohen prej dekadash ujëra të zeza e mbeturina që kanë dëmtuar ekosistemin e tij.
“Është një zonë e ndotur, por nuk duket se ka prekur popullatën e krokodilëve,” thotë biologu vendas Iván Sandoval, për rrjetin AFP.
Në brigjet e Tárcoles këto kafshë qëndrojnë në diell, duke u ushqyer me peshqit e sjellë nga deti.
Tipe të ndryshme bakteresh janë zbuluar në këto ujëra, por krokodilët jo detyrimisht janë prekur prej tyre, shton Sandoval.
Megjithë ndotjen e lartë krokodilët kanë mbijetuar falë kapaciteteve evolucionare dhe kushteve fiziologjike që i kanë bërë të rezistojnë.
Avokati mjedisor vendas Walter Brenes, thotë se megjithë legjislacionin e plotë kundër ndotjes, rezultatet janë të vështira për t’u parë:
“Kosta Rika është përpjekur të krijojë ligje e rregullacione për ndotjen por këto nuk e kanë zgjidhur problemin”.
“Njerëzit duhet të ndryshojnë zakonet e tyre dhe qeveria të krijojë politika publike për të mbrojtur botën e egër”, shton ai.
Top Channel
