“Kemi bërë keq në 15 minuta”/ Disfata e hidhur me Ukrainën, Sylvinho për “DigitAlb”: Nuk pësohen dy gola kaq shpejt, as unë dhe as lojtarët… 19/11 23:37
Kalimi te cigaret elektrike dhe pajisjet me ngrohje ulin dukshëm rrezikun e sëmundjeve të lidhura me tymosjen.
Reduktimi i dëmit mundëson që trupi të rigjenerojë dëmet e shkaktuara nga ekspozimi ndaj tymit të cigares.
Duhanpirja ndikon pothuaj të gjithë trupin. Ky zakon mund të shkaktojë komplikime, sidomos me zemrën. Kimikatet që përthithen përmes nuhatjes kur digjet një cigare dëmtojnë shëndetin e zemrës dhe enët e gjakut, duke rritur riskun e shfaqjes së sëmundjeve si ateroskleroza.
Shkenca është duke punuar gjithmonë e më shumë për të gjetur një zgjidhje për këtë problem. Dhe me studimin e fundit, duket se janë bërë hapa të rëndësishëm përpara. Qendra e ekselencës për përshpejtimin e reduktimit të dëmit, ka kryer së fundmi një studim i cili pohon se ‘kalimi tek cigaret elektrike dhe pajisjet me ngrohje ulin dukshëm rrezikun për shfaqjen e sëmundjeve të zemrës’.
Ky kërkim shkencor sjell një qasje të re, e cila hap një mundësi për të gjithë duhanpirësit për të reduktuar kështu dëmin që ata mund t’i shkaktojnë organizmit të tyre përmes zakonit të tymosjes.
Alternativat pa tym të bazuara në teknologjinë më të fundit, arrijnë të eliminojnë rreth 95% të substancave që çlirohen në ajër. Cigaret elektronike funksionojnë duke ngrohur nikotinën e lëngëzuar, e ndërsa pajisjet me ngrohje ngrohin fijet e duhanit duke prodhuar aerosol. Duhanpirësit kështu nuk ekspozohen ndaj 6.000 kimikateve, të cilat prodhohen nga djegia e duhanit te cigaret tradicionale.
Sipas studimit, reduktimi që këto alternativa mundësojnë, krijon mundësinë që trupi të rigjenerojë dëmet e shkaktuara nga ekspozimi ndaj tymit të cigares. Ky kërkim shkencor krahasues, pohon se për duhanpirësit që duan të vazhdojnë të konsumojnë nikotinë, alternativat pa tym janë një zgjidhje me reduktim të dukshëm të riskut.
Profesori Massimo Caruso, autori i këtij studimi deklaron për mediat se “edhe pse duket e pabesueshme, kalimi tek alternativa të tilla si cigaret elektrike apo pajisjet me ngrohe redukton dëmin vascular dhe parandalon mundësinë e shfaqjes së sëmundjeve të lidhura me tymosjen”.
Top Channel
