Exclusive: Ne ishim 4! Izolimi i Bllokut në kohën e komunizmit, Ngjela: Kishin frikë nga atentatet, por… 18/11 08:07
15 dhjetori është afati i fundit që Komisioni Qendror i Zgjedhjeve i ka lënë Qeverisë për alokimin e fondit prej 30 milion eurosh për shtrirjen e elektronikës në 6 bashki krahas Vorës.
Përtej këtij limit për kryekomisionerin Ilirjan Celibashi, realizimi i procesit është një mision i pamundur.
“Maksimumi mesi i muajit që vjen, përndryshe edhe nëse këto para do të jenë të mundura për t’ia dhënë KQZ procesi i realizimit duke përfshirë edhe atë të prokurimit të pajisjeve kërkon kohë që për atë ç’ka ngelet nuk është e mjaftueshme”.
Teksa KQZ është në pritje që ekzekutivi të hapë thesin, edhe partitë politike duket se janë të painteresuara për zgjerimin e votimit dhe numërimin elektronik.
“Nuk duket se ka shtysë të fortë nga to”, u shpreh Celibashi.
Kryekomisioneri Celibashi nuk mirëpret ndryshime të minutës së fundit as për ndryshimin e ligjit zgjedhor, pasi ato rrezikojnë te ndikojnë negativisht në procesin e pranverës.
“Besoj se ky kod rregullator sa i takon zgjedhjeve vendore do jete ne fuqi dhe nuk do ketë ndryshime përndryshe nëse këto ndryshime janë të thella natyrshëm nuk do impaktojnë pozitivisht në përgatitjen e administrimit e procesit zgjedhor. Duket se s’do ndryshoje asgjë”.
Reforma zgjedhore po ecën më hapat e breshkës ndërsa aktorët politik janë në një mendje që rregullat e lojës të mos ndryshojnë para zgjedhjeve te pranverës.
Top Channel
