Ministrja gjermane: G7 duhet t’i përgjigjet sulmit të Iranit kundër Izraelit 18/04 22:35
Një mësuese ndihmëse 22-vjeçare në Oklahoma, SHBA, është arrestuar për marrëdhënie seksuale me një nxënës vetëm dy javë pasi kishte nisur punën, shkruanin sot raportimet vendase.
Ashley Waffle, mësuese e përkohshme në shkollën Granite Public Schools, nisi punësimin e saj më 10 tetor, dhe kishte nisur të këmbente mesazhe me një 16-vjeçar më 25 tetor, shkruan rrjeti vendas KSWO.
Stafi i shkollës kishin lajmëruar policinë për disa takime të nxënësit me Waffle dhe zhurmat për lidhjen e papërshtatshme mes tyre po përhapeshin shpejt në qytezën me rreth 2,000 banorë.
Dokumentet thonë se Waffle ishte takuar dy herë me adoleshentin në apartamentin e saj rreth datës 9 nëntor.
Waffle u pezullua nga puna më 10 nëntor dhe u akuzua për përdhunim të gradës së dytë, që mund ta dërgojnë në burg për deri më 15 vjet.
E reja është dërguar në paraburgim dhe prindërit e saj po bashkëpunojnë me autoritetet teksa hetimet vazhdojnë.
Top Channel
