![](https://top-channel.tv/wp-content/uploads/2024/06/0-2024-06-12T221104.449-800x450.jpg)
Për të kuptuar neglizhencën e institucioneve qendrore ndaj shërbimit spitalor mjafton të shohim se si është sjellë kryetarja e bordit të spitalit.
Që ky spital të funksionojë normalisht duhet të mblidhet bordi. Ai përcakton strukturën, por edhe mënyrën se si do të funksionojë ky spital.
Kryetare e bordit është ministria e Shëndetësisë, Ogerta Manastirlliu, e cila e ka neglizhuar krejtësisht këtë rol.
Kjo vërtetohet nga korespondenca mes ish- drejtuesit të këtij spitali Arben Zeneli, i cili përgjatë tre viteve, 2018, 2019 dhe 2020 i kërkoi me anë të shkresave zyretare, ministres Manastitlliu që në cilësinë e kryetares së bordit, të mblidhte bordin.
Por nuk ka marrë asnjë përgjigje përgjatë tre viteve.
Pra, bordi i këtij spitali, i cili kryesohet nga ministri i Shëndetësisë, është ngritur me urdhër të vetë ministrit që refuzon të shkojë në mbledhje.
Top Channel