“Shpërthejnë” protestat kundër kandidatit pro-rus për president të Rumanisë 27/11 08:19
Një punonjëse e shëndetit mendor e gjithashtu modele e rrjeteve sociale është arrestuar në Britani pasi ka pranuar 2000 paundë para të pista nga gjysmë-vëllai i saj i burgosur, për sulmin me thikë ndaj një kreu të botës lokale të mafias.
26 vjeçarja Kelsey Rayne, nënë e një fëmije, ka marra dy pagesa nga gjysmëvëllai i saj Gary Moody i cili ishte rekrutuar për të prerë në fytyrë kreun e drogave Christopher Zammit, gjatë orës së ajrimit në burg.
Në disa telefonata paniku Moody i thoshte Rayne se mund të mbante 500 paundë nga paratë e krimit, por pjesën tjetër duhet t’ia dërgonte një miku të familjes. Ndërsa duke përshkruar sulmin e kryer në burg, ai i thoshte: “Ata më vlerësuan për atë që bëra, ai e meritonte”.
Biondja Rayne u arrestua pas marrjes në pyetje të 37-vjeçarit Moody për sulmin në burgun e Manchester, në veri të Britanisë, dhe nisën të dyshonin për paratë që i ishin paguar Rayne për shitjen e një ore.
Në gjykatë u tha se i sulmuari, ish-roja i sigurisë Zammit, po kryen dënimin me dhjetë vjet për drejtimin e një bande drogash. Ai kishte refuzuar trajtimin mjekësor për plagën dhe as nuk pranonte pyetje për çështjen.
Ndërsa Rayne, nga Sunderland pranoi zotërimin e pronës kriminale dhe u dënua me një periudhë burgimi më pas të pezulluar.
Gjysmë vëllai i saj Moody është dënuar me burgim të përjetshëm në 2005 pas një grabitjeje të armatosur të tre studentëve dhe ka kryer një tjetër sulm të porositur brenda burgut në Durham, në 2007.
Prokurori Geoff Whelan, tha: “Më 12 prill 2020, Gary Moody sulmoi Christopher Zammit me mjet prerës në fytyrë gjatë ajrimit në burg. Zammit është një kriminel i njohur nga Salford dhe Moody iu afrua nga prapa dhe e preu në fytyrë”.
“Më 17 prill 2020, Moody i telefonoi gjysmë-motrës së tij të akuzuar për ta informuar se priste pagesën për ‘punën’ e kryer, pra për sulmin ndaj Zammit.
“Ai i tha se paratë do të paguheshin në llogarinë e saj së shpejti dhe i dha një numër ku të telefononte për ta informuar”.
“Pak më vonë £900 u paguan në llogarinë e Rayne por e akuzuara kishte thënë se priste më shumë. Më 23 prill edhe £1000 të tjera u paguan në llogarinë e saj”.
“Gjatë hetimeve ndaj Moody për sulmin ai tha se paratë ishin paguar te anëtarë të familjes së tij për shitjen e një ore”.
Por Rayne kur u thirr për t’u marrë në pyetje nga policia e Manchester u tregoi se kishte shumë nevojë për para dhe se ishte një marrëdhënie abuzive, dhe me paratë do të gjente një akomodim për vete dhe djalin nëntë vjeçar. Ajo nuk ka dënime të mëparshme.
Rayne u dënua me gjashtë muaj burg të pezulluara dhe u urdhërua të kryejë 10 ditë rehabilitim dhe 60 orë punë të papaguar komunitare.
Gjkyatësja Suzanne Goddard i tha: “Kjo është një çështje shumë serioze dhe unë nuk e pranoj se ti nuk e kishte idenë se çfarë po ndodhte në të vërtetë.”
Top Channel
