Turistja 31 vjeçare humb jetën teksa bënte ‘selfie’ nga buza e kraterit të vullkanit në Indonezi (fotot)
23/04 21:38
Parlamenti i Suedisë kaloi sot një amendament kushtetues që lejon ashpërsimin e ligjeve anti-terror, në përputhje me një kërkesë të Turqisë për pranimin e saj në aleancën ushtarake të NATO-s.
Zhvillimi vjen pas sulmit të Rusisë ndaj Ukrainës, kur Suedia dhe Finlanda hoqën dorë nga politikat e tyre të vjetra të asnjëanësisë dhe aplikuan për bashkim në aleancë.
Turqia kishte bllokuar aplikimet e dy vendeve duke akuzuar Stokholmin se ishte kthyer në një “strehë terroristësh” prej legjislacionit të lirshëm.
Amendamenti u kalua me 278 vota në parlamentin me 349-vende, duke bërë të mundur nisjen e ligjeve të reja për “kufizimin e lirive për çështjet e terrorizmit”.
Komisioni parlamentar suedez vendosi për “shtim të dënimit për pjesëmarrje në organizata terroriste” ku Turqia shpreson të përfshihet dhe Partia Punëtore Kurde PKK, e jashtëligjshme në shumë vende perëndimore.
Gjatë vizitës së javës së kaluar në Ankara, kryeministri suedez Ulf Kristersson i përshkruante ndryshimet e nisura si “një hap i rëndësishëm”, në prani të presidentit turk Rexhep Tajip Erdogan.
Në Suedi amendamentet kushtetuese duhet të aprovohen dy herë nga dy të tretat e parlamentit me një palë zgjedhje të përgjithshme të mbajtura në mes, çka u krye në prill.
Top Channel
