Dasma si në filma! Nusja dhe 2 mijë të ftuarit e prisnin në kishë, dhëndrit i vihen prangat bashkë me të ëmën (Detaje) 24/11 19:15
Një i sëmure mendor që kishte përndjekur modelen britnaike Kate Moss, ka pranuar sot vrasjen me thikë të dy prindërve të tij në shtëpitë e tyre rreth 30 km larg njëra-tjetrës.
42 vjeçari William Warrington, kishte nisur sulmin e tërbuar ndaj 67 vjeçarit Clive Warrington, 67, dhe ish-gruas së tij Valerie, 73 vjeçe, në mars të këtij viti në Gloucestershire në perëndim të Britanisë.
Ai sot pranoi vrasjen nga pakujdesia prej “përgjegjësisë së reduktuar”, çka u pranua nga prokurorët.
Sot u mësua gjithashtu se Warrington kishte marrë një urdhër kufizimi në vitin 2019 pas përndjekjes ndaj modeles Kate Moss.
Më parë përndjekësi kishte lënë jashtë vilës së modeles një helmetë të Luftës II Botërore, një shishe shampanjë dhe një maskë operistike.
Te maska ishte përfshirë gjithashtu një shënim kërcënues, thonin asokohe prokurorët.
Veprimet e Warrington raportohej se kishin shkaktuar “stres dhe ankth te modelja e famshme dhe familja e saj”.
Në gjykatë u tha se ai ishte ndaluar sipas ligjit të Shëndetit Mendor kur në 17 shkurt të këtij viti kishte sulmuar me thikë një kolegun me të cilin ndante apartamentin.
Ai ishte dërguar në spitalin psikiatrik Wotton Lawn por u la të shëtiste i lirë i pashoqëruar më 1 mars në kopshtin e impjantit.
Warrington është parë më tej në kamerat e sigurisë të dilte nga dera kryesore por alarmi nuk u dha deri në mesnatë kur stafi kuptoi se ai nuk ishte në dhomë.
Pacienti kishte marrë një taksi drejt një hoteli në Bourton-on-the-Water, ku kishte konsumuar alkool, para se të shkonte më pas në shtëpinë e nënës së tij.
Prokurorja Anna Vigars KC, tha: “Ai hyri me thyerje në shtëpi dhe vrau nënën e tij”.
Mëngjesin tjetër Warrington kishte shkuar në shtëpinë e të atit, ku fqinjët kishin dëgjuar zhurma traumatike dhe ulërima.
Clive ishte dëgjuar nga fqinjët që ulëriste: “Përse po e bën këtë?”
Policia kishte ardhur më pas në shtëpinë në Cheltenham pranë Londrës, ku gjetën vrasësin duke ecur në rrugë i përgjakur.
Fëmijët e tjerë të Clive e Valerie shkruanin në një deklaratë: “Jemi të shkatërruar nga humbja tragjike e papritur e prindërve tanë. Ju falenderojmë për mesazhet e mbështetjes dhe kërkojmë privatësi në këtë kohë të vështirë për të reflektuar mbi këtë që ndodhi dhe të mbajmë zi me pjesën tjetër të familjes”.
Top Channel
