Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Presidenti i Federatës Botërore të Futbollit (FIFA), Gianni Infantino, i bëri thirrje Rusisë dhe Ukrainës që të mbajnë armëpushim njëmujor, gjatë Kampionatit Botëror të Futbollit.
Duke folur në samitin e grupit të vendeve më të industrializuara, G20, Infantino tha se Kupa e Botës siguron një “platformë unike” për paqe dhe unitet, sepse ngjarja do të ndiqet nga rreth 5 miliardë njerëz në televizion.
“Kështu që lutja ime për të gjithë ju është që të mbani armëpushim për një muaj, aq sa zgjat Kupa e Botës”, tha Infantino në Bali të Indonezisë.
“Ju jeni udhëheqësit botërorë. Ju e keni aftësinë të ndikoni në rrjedhën e historisë”, tha ai.
Kupa e Botës nis të dielën në Katar.
Ky vend është përballur me kritika të mëdha, për shkak të shkeljeve të dyshuara të të drejtave të njeriut, sidomos të punëtorëve që kanë ndërtuar stadiumet.
Kreu i Komiteti Olimpik Ndërkombëtar, Thomas Bach, u ka bërë thirrjeve vendeve që t’i dërgojnë atletët në Katar, bazuar në meritat e tyre sportive, e jo në politikë.
“Ne kemi nevojë për pjesëmarrjen e të gjithë sportistëve që i pranojnë rregullat – edhe nëse vendet e tyre janë në konfrontim”, ka thënë Bach.
Organizata të ndryshme sportive ndërkombëtare kanë vendosur sanksione ndaj Rusisë dhe atletëve të saj, pas pushtimit të Ukrainës./Rel
Top Channel
