VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Franck Kessie u largua nga Milani si kampion i Italisë, për të vijuar një eksperiencë të re në karrierë.
25-vjeçari u transferua te Barcelona, por aventura e tij e re nuk po shkon ashtu siç duhet për shkak edhe të konkurencës së lartë në ekip.
Mesfushori në sezon e ri në La Liga është aktivizuar në vetëm shtatë sfida ku për asnjë moment nuk është shfaqur protagonist.
Periudha e pushimit për shkak të Botërorit do të jetë një moment reflektimi për Kessie i cili duhet të vendos për të ardhmen e tij, pasi interesimi për të nuk mungon.
Sipas raportimeve të mediave britanike, janë dy klube nga Premier League që dëshirojnë të transferojnë 25-vjeçarin.
Drejtuesit e Aston Villa kanë piketuar Kessien si transferimin e parë në epokën e Unai Emery. Klubi anglez është i gatshëm të ofrojë 14 milionë euro në drejtim të katalanasve. Megjithatë nuk janë të vetmit, pasi në garë për Kessien është një tjetër klubi anglez.
Fulham është i gatshëm të shpenzojë 22 milionë euro për Kessie. Një shifër më e madhe krahasuar me atë çfarë ofron Aston Villa, për të bindur Kessien të bëhet pjesë e organikës së trajnerit portugez Silva.
Në rast se çdo gjë do të konkretizohet me sukses, për Kessie do të jetë aventura e parë në Premier League./ Super Sport
Top Channel
