Irlanda, Spanja dhe Norvegjia pritet të njoftojnë sot njohjen e shtetit palestinez 22/05 10:30
Vrasja e dhunshme e një të riu të famshëm në rrjetet sociale në Marok, ka tronditur vendin afrikano-verior, teksa autoritetet janë ende në kërkim të vrasësit.
Të shtunën Anouar Othmani, një 20-vjeçar student për shkenca në Universitetin e Tangier dhe mjaft i njohur në rrjetin ‘Moroccotok’, u gjet i vrarë në apartamentin e tij në qytetin verior të Tangier. Nëna e tij raportohet se gjeti trupin pasi i biri nuk ishte përgjigjur telefonatave.
Krijuesi i ri i përmbajtjeve në mediat sociale njihej për videot e tij të kërcimeve dhe lojrave në platformën sociale TikTok.
Por ndjekësit e tij ishin shokuar kur para njoftimit të vdekjes, nisën të fshiheshin të gjitha fotot e videot e tij nga rrjeti.
Dje autoritetet marokene kanë arrestuar një vajzë 17-vjeçare në Tangier e akuzuar si e përfshirë në vrasjen e studentit 20-vjeçar.
حسبي الله ونعم الوكيل هاد العايل من العرائش طالب جامعي بكلية العلوم بطنجة عندو 20 سنة ساكن في شقة بحي مسنانة اليوم فالصباح جات الام ديالو من العرائش باش تطلل عليه جبراتو ميت مد/بوح بطريقة بشعة الله يحسن لعوان الام ديالو تصدمت 💔وكتبكي وتقول #المرضي #كلنا_انور #justiceforanouar pic.twitter.com/vlqWB58iKI
— سهيلة عماري🇲🇦 (@souhailaamari) November 6, 2022
Policia ka arrestuar gjithashtu një anëtar të familjes së të dyshuarës si e përfshirë në krim.
I dyshuari i dytë besohet se ka shkatërruar armën e krimit dhe nuk e ka raportuar atë.
Në një deklaratë të policisë thuhej se hetimet në vijim do të përcaktojnë rrethanat dhe motivet për vrasjen e rëndë.
Vrasja e Anouar ka tronditur shumë marokenë, të cilët kanë shprehur në rrjetet sociale simpatinë e tyre dhe solidaritetin me anëtarët e familjes.
Top Channel
