Banorët e fshatit Bërxullë kanë protestuar këtë të diel duke tentuar të bllokojnë edhe rrugën që të çon ne Aeroportin e Rinasit pasi kundërshtojnë projektin e rrugës Thumanë-Kashar.
Sipas tyre askush nuk i ka informuar për këtë projekt ndërkohë që tokat që do t’u zihen do të kompesohen sipas tyre me një vlerë të papërfillshme.
“Po na shkelin të drejtat tona. Nuk i lemë”.
“Preken 30 ha tokë dhe 20 banesa. Duan të na kompensojnë me 4 mijë lekë të vjetra kur këtu është shit 100 euro metri”, u shpreh kryeplaku.
Sipas banorëve nuk ka pasur konsultim publik me banorët për t’i informuar në lidhje me projektin që do të zbatohet.
“Nuk ka pas konsultim publik. Duam të dimë a do të ketë rrugë dytësore. Të vlerësohet me çmimin e tregut sot”, tha një banore.
Protesta e banorëve të Bërxullit do të zhvendoset këtë javë që vjen përpara Kryeministrisë.
Top Channel
