Kosova humbet me rezultat zyrtar ndeshjen ndaj Rumanisë, gjobitet me 6000 euro për sjellje të pahijshme 20/11 15:37
Emigrantët e paligjshëm nga Shqipëria që kalojnë brigjet e Lamanshit me gomone prodhuan replika të ashpra mes sekretares se shtetit britanik të Punëve te Brendshme, Suella Braverman dhe kryeministrit shqiptar.
Sali Berisha dënoi qëndrimin e Edi Ramës ndërsa i kërkoi autoreve britanike të hetojnë për shkaqet e vërteta të fluksit të paprecedentë.
“Partia Demokratike hedh poshtë dhe denoncon si të papërgjegjshme deklaratën e Edi Ramës në të cilën ai fajton për gjendjen e krijuar autoritetet e Britanisë së Madhe, duke treguar me gisht në mënyrë specifike si fajtorë konservatorët britanikë. Partia Demokratike fton qeverinë, parlamentin dhe forcat politike të Mbretërisë së Bashkuar, të ndalen dhe të analizojnë shkaqet e vërteta të shndërrimit të shqiptarëve në popull të gomoneve nga qeveria e Edi Ramës”, tha Berisha.
Opozita e fajëson kryeministrit për largimin e shqiptareve dhe me 12 nëntor nis protestat poshtë zyrës së Ramës. Zyrtaret demokratë ditët e fundit janë shprehur se nuk është problem hyrja ne Kryeministri.
“Se cili është skenari i protestës, do shpaloset gjatë protestës. Ne i qëndrojmë parimeve të protestave brenda spektrit të mosbindjes civile, që është e pranueshme në manualet e protestave demokratike”, tha Berisha.
Përballja e dyte janë zgjedhjet. Berisha foli për një skenar të Edi Ramës për t’i mbajtur peng demokratet për vendimin e gjykatës për vulën dhe logon e partisë.
“Mungesa e avokatit ne seancën e djeshme është makinacion i Edi Rames. Rama po përpiqet t’i konfiskojë flamurin PD po do përgjigjemi me mënyra të merituara”, tha Berisha.
Top Channel
