Për herë të parë pas 1962, bie qeveria në Francë! Cila do të jetë lëvizja e radhës e Macron? 04/12 20:32
Kancelari gjerman, Olaf Scholz, ka mirëpritur sot në Berlin liderët e gjashtë vendeve të Ballkanit Perëndimor dhe ata të BE-së, në kuadër të Procesit të Berlinit.
Proces i cili sipas kancelarit gjerman do të nxisë integrimin.
“Qytetarët e Ballkanit mund të kenë besim tek ne. Vetëm bashkë mund të mbrojmë vlerat evropiane. Evropa është e plotë vetëm me Ballkanin Perëndimor”, tha ai.
Këtë të enjte liderët e Shqipërisë, Kosovës, Bosnjë-Hercegovinës, Malit të Zi, Maqedonisë së Veriut dhe Serbisë hedhin firmat për tri marrëveshje për njohjen reciproke të letërnjoftimeve, të diplomave universitare dhe të kualifikimeve profesionale. Ndërsa një temë tjetër e diskutimeve të tyre do të jetë edhe çështja e furnizimit me energji elektrike.
Qëllimi i këtij samiti sipas zyrtarëve të qeverisë gjermane është që Serbia, Mali i Zi, Bosnjë e Hercegovina, Maqedonia e Veriut, Kosova dhe Shqipëria t’i afrohen anëtarësimit në Bashkimin Evropian, për shkak të frikës nga ndikimet gjithnjë e më të shtuara të Rusisë dhe Kinës në rajon.
Procesi i Berlinit ka nisur në vitin 2014 me iniciativën e kancelares së atëhershme gjermane, Angela Merkel.
Ndër qëllimet kryesore të këtij procesi janë: përmirësimi i bashkëpunimit rajonal dhe integrimi evropian i rajonit të Ballkanit Perëndimor. Procesi fokusohet në lëvizjen e lirë të njerëzve, shërbimeve, mallrave dhe kapitalit.
Top Channel
