Një 44-vjeçar është arrestuar në Portin e Vlors, pasi kishte fshehur nën dyshemenë e rimorkios së kamionit dhjetëra steka me cigare kontrabandë.
Pas kontrollit të kryer nga policia, në kamionin me drejtues shtetasin me iniciale B. R., u konstatuan 380 paketa me cigare të markave të ndryshme, të cilat ishin pa pullë fiskale.
Materialet i kaluan Prokurorisë, për për veprën penale “Kontrabanda me mallra për të cilat paguhet akcizë”.
Njoftimi policisë:
Port Vlorë/Goditet një tjetër rast i kontrabandës me mallra për të cilat paguhet akcizë.
Kishte fshehur nën dyshemenë e rimorkios së kamionit, dhjetëra steka me cigare, me qëllim kontrabandimin e tyre, arrestohet në flagrancë 44-vjeçari.
Shërbimet e PKK Port Vlorë, në bashkëpunim me specialistët e Seksionit për Hetimin e Krimeve Ekonomike dhe Financiare të DVP Vlorë dhe autoritetet doganore në këtë port, në vijim të kontrolleve për parandalimin, evidentimin dhe goditjen e krimeve ndërkufitare, bazuar në analizën e riskut dhe në kontrollet me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, një mjet kamion me drejtues shtetasin B. R.
Gjatë kontrollit të ushtruar në këtë kamion, nën dyshemenë e rimorkios, shërbimet e Policisë gjetën të fshehura rreth 380 paketa me cigare të markave të ndryshme, pa pullë fiskale, të cilat u sekuestruan në cilësinë e provës materiale.
Në përfundim të veprimeve, specialistët e Seksionit për Hetimin e Krimeve Ekonomike e Financiare të DVP Vlorë arrestuan në flagrancë shtetasin B. R., 44 vjeç, banues në Vlorë, për veprën penale “Kontrabanda me mallra për të cilat paguhet akcizë”.
Materialet i kaluan Prokurorisë, për veprime të mëtejshme.
Top Channel
