Putin bën deklaratën e fortë: Biden më propozoi shtyrjen e anëtarësimit të Ukrainës në NATO deri në 15 vite 26/12 22:29
Një sulm ajror që synonte një nga grupet më të mëdha kryengritëse etnike të Mianmarit ka vrarë të paktën 50 persona dhe ka plagosur rreth 100, thonë raportet.
Numri i të vdekurve u dha për BBC nga koloneli Naw Bu, zëdhënës i Ushtrisë së Pavarësisë së Kachin (KIA).
Dëshmitarët okularë në shtetin Kachin, në Mianmarin verior, thonë se avioni hodhi tre bomba në një koncert të organizuar nga KIA në fshatin Kansi.
Fshatarët thanë se nuk kishte asnjë paralajmërim para bastisjes.
Koncerti në Kansi ishte për të shënuar 62-vjetorin e fushatës së ushtrisë rebele për autonomi.
Dëshmitarët raportuan tre shpërthime të mëdha rreth orës 20:30 (14:00 GMT) sipas kohës lokale të së dielës. Ata shkatërruan grupin e ndërtesave në bazë dhe shkaktuan viktima të rënda në audiencë.
Mes të vrarëve besohet se janë katër këngëtarë të njohur Kachin. Dëshmitarët okularë thonë se ushtria bllokoi mjekët që përpiqeshin të transferonin të plagosurit në qytetin e afërt të Hpakant, i cili ka një spital.
Kjo pjesë e shtetit Kachin është kontestuar ashpër për shumë vite nga ushtria dhe kryengritësit Kachin për shkak të minierave të saj, të cilat mendohet të kenë vlerë rreth 30 miliardë dollarë në vit.
Ka pasur luftime të shpeshta atje para dhe pas grusht-shtetit ushtarak të vitit të kaluar, i cili rrëzoi qeverinë civile të udhëhequr nga Aung San Suu Kyi.
Ky sulm mund të jetë një ndëshkim, ose një paralajmërim, nga ushtria, mbi mbështetjen që kryengritësit Kachin u kanë dhënë grupeve të tjera të armatosura në Mianmar të krijuara për t’i rezistuar grushtit të shtetit.
Top Channel
