Ekskluzive/ Zgjedhjet në Federatën e Atletikës, Manastirliu “zbut gjakrat”! Ministria ul në tavolinë Izmir Smajlan, Luiza Gegën, Gjergj Rulin dhe Taulant Stërmasin 28/11 15:31
Liverpooli do të tentojë të shtunën fitoren e tretë radhazi në kampionat. Djemtë e Jurgen Klopp do të sfidojë Nottingam Forest në transfertë, ndërkohë që trajneri gjerman komentoi shkarkimin e Steven Gerrard nga posti i trajnerit të Aston Villa-s në prononcimin për shtypin.
“Jam i sigurt se ai do të jetë në gjendje të ringrihet dhe të rikthehet edhe më i fortë. E kam njohur gjatë këtyre shtatë viteve te Liverpooli, edhe pse nuk jemi takuar shpesh me njëri-tjetrin për arsye të ndryshme.
Sot në mëngjes patëm një bisedë të shpejtë me njëri-tjetrin. Mund ta imagjinoj që është i zhgënjyer, duke pasur parasysh ambiciet që ka. Sigurisht që shkarkimi nuk është një ndjesi e bukur, por nuk duhet të shqetësohemi për Stevie.
Siç është shprehur edhe vetë, ai është pjesë e kësaj bote prej një kohë të gjatë dhe arrin ta kuptojë se gjëra të tillë ndodhin në futboll. Kështu ndodh edhe në jetë, ti pëson goditje kudo, por duhet të reagosh.
Ju e njihni atë më mirë se unë. Ai gjithmonë është ringritur, jam i bindur se do të bëjë përsëri. Shumë trajnerëve të mëdhenj u është dashur të largohen nga klubet e tyre në të kaluarën, për arsye të ndryshme, por ata kanë mësuar, kanë gjetur një ambient tjetër dhe janë rikthyer të bëjnë mirë”, deklaroi Klopp.
Top Channel
