Në Barcelonë protestohet kundër rritjes së çmimeve të qirasë 24/11 11:49
Bullgaria është bërë vendi i fundit që thotë se nuk do të marrë pjesë në Eurovizionin e vitit të ardhshëm.
Maqedonia e Veriut dhe Mali i Zi kishin konfirmuar tashmë se nuk do të merrnin pjesë në spektaklin e madhe të muzikës në vitin 2023 për shkak të rritjes së tarifës së hyrjes.
BBC News i është thënë se vendeve u është kërkuar të paguajnë më shumë për të kompensuar paratë e humbura pas ndalimit të garimit të Rusisë.
EBU,e cila organizon konkursin, ka konfirmuar tani listën e 37 pjesëmarrësve për konkursin 2023.
Se sa paguan çdo transmetues pjesëmarrës për të hyrë nuk bëhet publike, por kostoja totale midis të gjithë pjesëmarrësve zakonisht shkon deri në rreth 5 milion paund.
Bullgaria, Maqedonia e Veriut dhe Mali i Zi nuk arritën të kalojnë fazën gjysmëfinale të konkursit të këngës të këtij viti.
BBC pritet të shpenzojë midis 8 dhe 17 milion paund për të organizuar ngjarjen majin e ardhshëm, në emër të Ukrainës, e cila fitoi konkursin e këtij viti.
Liverpool u zgjodh si qyteti pritës pjesërisht për shkak të “ofertës së tij kulturore që e vendos Ukrainën në zemër” të ngjarjes .
Rusia dikur ishte një kontribues i rëndësishëm financiar në spektakël, por ajo u përjashtua pas pushtimit të Ukrainës.
Top Channel
