Dasma si në filma! Nusja dhe 2 mijë të ftuarit e prisnin në kishë, dhëndrit i vihen prangat bashkë me të ëmën (Detaje) 24/11 19:15
Imazhet e rënda televizive tregonin autobusin të rrotullohej pas aksidentit mes qyteteve jugperëndimore të Pasto e Popayán
Të paktën 20 pasagjerë kanë humbur jetën dhe 14 u plagosën në tragjedinë e të shtunës, tha policia, duke shtuar se dyshimet e para janë për të defekt teknik të mjetit.
Mediat vendase thonin se autobusi ishte pranë përmbysjes në faqen e malit por rrjedhimisht ndaloi i penguar nga një barrierë e rrugës.
Autobusi i mbushur me pasagjerë po udhëtonte nga qyteti port i Tumaco drejt Cali, rreth 320km larg drejt verilindjes, kur ndodhi tragjedia.
Mes të plagosurve ishin një vajzë e vogël tre-vjeçare dhe një djalë tetë vjeçar, raportonin mediat vendase.
Kreu i policisë në Narino, Albertland Agudelo, tha se nuk njiheshin shkaqet e tragjedisë, por hetuesit po shikojnë mundësinë e defekteve teknike në sistemin e frenave.
Raportimet sugjeronin se shoferi kishte humbur kontrollin pas një kthese në një zonë me mjegull.
Policisë e zjarrfikësave iu deshën rreth nëntë orë për të ngritur mjetin në këmbë, për të evakuar të plagosurit dhe nxjerrë trupat e viktimave të tragjedisë.
Top Channel
