“Po njolloset Shqipëria për të goditur Melonin”/ Rama zë faqet e para të gazetave italiane: Nuk ka se si te mos lëndohem kur… 25/04 19:39
Kreu i grupit parlamentar të Partisë Socialiste, Taulant Balla ka reaguar ndaj deklaratave të opozitës të cilat sulmuan fjalimin e kryeministrit Rama në asamblenë e Këshillit të Europës.
Në një reagim në rrjetet sociale, Balla shkruan se koalicioni Berisha-Meta ka lëshuar sulme dhe sharje në vend të heshtin, teksa iu kujton atyre rezolutën e votuar në vitin 2011 për “hetimin e pretendimeve për trajtim çnjerëzor të personave dhe trafikim të paligjshëm të organeve njerëzore në Kosovë”.
Balla shkruan se kuvendi dhe qeveria po përpiqen për të ‘pastruar trillimet e raportit të Dick Marty’, Sali Berisha dhe Ilir Meta janë hedhur në sulm sepse duan të mbrojnë votën e tyre.
“Prej 24 orësh koalicioni Berisha-Meta është hedhur në sulme dhe sharje, edhe pse të paktën duhet të heshtnin, sa kohë që në vitin 2011 e kanë votuar së bashku PRO Rezolutën 1782 (2011) të Asamblesë Parlamentare të Këshillit të Europës (“APKiE”) për “hetimin e pretendimeve për trajtim çnjerëzor të personave dhe trafikim të paligjshëm të organeve njerëzore në Kosovë”, e cila bazohej në një raport (Doc. 12462, datë 7 janar 2011) të Dick Marty.
Shqiptarët duan shpjegime se pse Sali Berisha dhe Ilir Meta votuan PRO, sa kohë ajo Rezolutë kishte zanafillën në një mocion për rezolutë (Dokumenti 11574, datë 15 Prill 2008) të propozuar nga drejtuesi i delegacionit rus Konstantin Kosachev, bazuar në tregime të paverifikuara si skenarë për filma fiction të Carla Del Ponte.
E kam denoncuar heshtjen e Sali Berishës ndaj dokumentit të hartuar në Moskë, që në verën e vitit 2008. E kam denoncuar votën pro të Sali Berishës dhe Ilir Metës, për atë Rezolutë skandaloze në vitin 2011 gjithashtu.
Kam denoncuar edhe lidhjet e Partisë Demokratike me financime të paligjshme ruse.
Sot pyetja që shtrohet është: Ndërsa Shqipëria zyrtarisht përmes Kuvendit dhe Kryeministrit Edi Rama fillojnë përpjekjen për ta pastruar këtë mal të madh balte dhe trillimesh, të denjë për filma horror, Sali Berisha dhe Ilir Meta pse janë hedhur në sulm?! Çfarë dhe cilët duan të mbrojnë Sali Berisha dhe Ilir Meta? Rezolutën e Dick Martyt? Apo votën e tyre pro saj?”– shkruan Balla.
Balla e quan historike fjalimin në asamblenë e Këshillit të Europës ku ishte edhe vetë i pranishëm. Ai thotë se qëndrimi i PS është në rrugën e shpalljes si të pabazuara të pretendimeve për trafikim të paligjshëm të organeve njerëzore në Shqipëri dhe në Kosovë.
“Megjithatë, e djeshmja ishte një ditë e rëndësishme, historike madje, në rrugën e shpalljes si të pabazuara të pretendimeve për trafikim të paligjshëm të organeve njerëzore në Shqipëri dhe/apo në Kosovë, në dritën e zhvillimeve që kanë ndodhur gjatë këtyre 11 viteve, fakteve, provave dhe informacioneve të përditësuara, sikurse dhe përsa i përket angazhimit, gatishmërisë dhe bashkëpunimit të plotë të Shqipërisë dhe Kosovës në shërbim të së vërtetës dhe vendosjes së drejtësisë. Lufta e UÇK ishte luftë e pastër, e drejtë dhe çlirimtare!.Lufta e UÇK ishte luftë e pastër, e drejtë dhe çlirimtare!”- përfundon Balla.
Top Channel
