Autobusi me 13 pasagjerë bën aksident në Gjermani, 2 të vdekur e disa të plagosur 11/01 22:45
Bashkë-themeluesi i partisë që fitoi shumicën në zgjedhjet e fundit në Itali, Ignazio La Russa, ishte filmuar në 2018 duke shfaqur foto, medalje e statuja të liderit fashist Mussolini.
Tashmë politikani i partisë “Vëllezërit e Italisë” është zgjedhur në krye të senatit italian, si një hapat e parë të formimi të qeverisë së djathtë.
Ignazio La Russa është ish-ministër mbrojtjeje, babai i të cilit ishte sekretar i partisë fashiste të Benito Mussolini.
Ai ka themeluar partinë së bashku me Giorgia Meloni, e cila pritet të bëhet kryeministre e qeverisë ku do të përfshihen dhe partia e Matteo Salvinit “Lega” dhe ajo e Silvio Berlusconi-t, Forza Italia.
Ashtu si Meloni, La Russa, emri i dytë i të cilit është Benito, nisi karrierën politike me të rinjtë e Lëvizjes Sociale Italiane, e krijuar në 1946 nga mbështetës të Mussolinit.
Në videon e publikuar së fundmi ai tregon relika fashiste të ruajtura si medalje, foto e statuja. Mes të tjerash La Russa thotë në video: “Kemi dhe një simbol komunist, e kemi vënë këtu te këmbët e statujës së Mussolini”.
Meloni thotë se është përpjekur të distancojë ‘Fratelli d’Italia’ nga rrënjët e saj neofashiste, duke shtuar se “kemi hequr dorë nga fashizmi dekada më parë”.
Vota per te erdhi nga pakenaqesia e italianeve ndaj kryeministrit teknik te pazgjedhur Mario Draghi.
Presidenti Sergio Mattarella, pritet të nisë konsultimet formale me partitë këtë muaj teksa Meloni pritet të marrë mandatin e qeverisë.
Top Channel
