Dogjani i shkon në foltore, Rama: Po ça më rri aty, ulu! Ndërpritet seanca pas tensioneve në sallë 18/11 10:15
Shqipëria avancoi përpjekjet e saj në Këshillin e Europës për të ndryshuar rezolutën skandaloze 1782 të vitit 2011 e cila u miratua pas raportit të senatorit Dick Marty.
Kjo rezolutë u ndërtua mbi spekulimet e senatorit Marty i cili pa pasur asnjë provë konkrete ngriti pretendimin se UÇK në territorin e Shqipërisë u përfshi në trafik organesh njerëzore.
Kryeministri Edi Rama në asamblenë e Këshillit të Europës tha se kjo është një çështje me rëndësi në emër të së vërtetës dhe drejtësisë.
Nga Asambleja e Këshillit të Europës në Strasburg, kryeministri Edi Rama kërkoi që besimi në institucionet ndërkombëtare duhet të vendoset në vend.
Kërkesa e kryeministrit Rama për të korrigjuar këtë Gabim tragjik siç e quajti ai, prodhoi reagime të forta nga ana e këshillit të Europës. Por kryeministri i komentoi këto kundërshti pa më të voglin shqetësim.
Mbetet në dorën e vendeve anëtare të Këshillit të Europës të korrigjojnë skandalin që mban emrin Dick Marty, te bekuar prej këtij tempulli i të drejtave të njeriut. Shqipëria dhe kryeministri Edi Rama bënë detyrën e tyre në emër të së vërtetës për ta lehtësuar turpin e vendosur padrejtësisht Shqipërisë dhe Kosovës.
Top Channel
