FOTOT/ E bujshme! Ylli i filmave me “pullë të kuqe” konfirmon lidhjen romantike me ish-yllin e Arsenalit
17/11 17:06
Në shtëpinë e Milanit po merren me disa çështje, mes të cilave e ardhmja e lojtarëve më të spikatur, siç është Rafael Leao. Nuk është mister që sulmuesi portugez ka tërhequr interesin e klubeve të mëdha evropiane dhe kjo është arsyeja pse kuqezinjtë do të përpiqen ta “blindojnë” sa më parë.
Leaos i skadon kontrata në qershor të vitit 2024, por rinovimi do të nënkuptonte rritjen e shpresave për qëndrimin e tij në Milano për shumë vite.
Duke folur për “Sky” para ndeshjes së humbur 0-2 përballë Chelsea-t në “San Siro”, drejtori i zonës teknike të kuqezinjve, Paolo Maldini, sqaroi.
“Ne do të dëshironim të rinovonim kontratën e Leaos përpara kampionatit botëror. Do të kishim dashur ta bënim më herët, por duhet të ekzistojnë kushtet për ta bërë këtë”.
Prandaj, synimi i Maldinit dhe drejtuesve të Milanit është që Botërori ta gjejë portugezin me kontratë të rinovuar.
“Ideja është ta bëjmë përpara se të nisë Kupa e Botës, të shohim se çfarë do të ndodhë”.
Top Channel
