Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Zyrtarët e lartë të administratës së Bidenit u takuan personalisht me talebanët të shtunën për herë të parë që kur lideri i al Kaedës, Ayman al-Zawahiri u vra nga SHBA në banesën e tij në Kabul në fund të korrikut, sipas Cnn.
Administrata dërgoi zëvendësdrejtorin e CIA-s dhe zyrtarin më të lartë të Departamentit të Shtetit përgjegjës për Afganistanin në kryeqytetin e Katarit, Doha, për bisedimet me delegacionin taleban, i cili përfshinte kreun e tyre të inteligjencës, Abdul Haq Wasiq.
Pasi vrasjes së Zawahiri, SHBA-të akuzuan talebanët për një “shkelje të qartë dhe flagrante të marrëveshjes së Dohas”, të ndërmjetësuar nga administrata Trump, e cila thoshte se talebanët nuk do të strehonin terroristët nëse forcat amerikane tërhiqeshin nga Afganistani.
Pasi një dron amerikan lëshoi raketa vdekjeprurëse në drejtim të Zawahirit, zyrtarët amerikanë akuzuan liderët talibanë nga rrjeti Haqqani se e dinin për vendndodhjen e Zawahirit
Që atëherë, SHBA ka vazhduar të angazhohet me talebanët, duke përfshirë negocimin për lirimin e shtetasit amerikan Mark Frerichs. Por zyrtarët e lartë nuk ishin takuar ballë për ballë që disa ditë përpara se Zawahiri të vritej më 31 korrik.
Prania e Zëvendës Drejtorit të CIA-s, David Cohen dhe Wasiq-it të talebanëve në takimin e së shtunës, tregon për një theksim te antiterrorizmit. Shtëpia e Bardhë muajin e kaluar e quajti bashkëpunimin me talebanët në luftën kundër terrorizmit “një punë në progres”.
Top Channel
